پشاور:
خیبر پختونخوا میں شدید گرمی کی لہر جاری ہے جب کہ بعض علاقوں میں تیز بارش کا امکان ظاہر کیا گیا ہے۔
محکمہ موسمیات کے مطابق صوبے کے بیشتر اضلاع میں موسم خشک اور گرم ہے جب کہ جنوبی اضلاع میں شدید گرم رہنے کا امکان ہے۔ گزشتہ روز صوبائی دارالحکومت پشاور کا درجہ حرارت 39 ڈگری سینٹی گریڈ ریکارڈ کیا گیا تھا۔
اسی طرح ڈیرہ اسماعیل خان 43 ،بنوں 40، تخت بھائی 39، کاکول 32، بالاکوٹ 35، سوات مینگورہ 35 ،چترال 34، دیر بالا 32، کالام 26، مالم جبہ 24 ڈگری سینٹی گریڈ ریکارڈ کیا گیا ۔
دوسری جانب پی ڈی ایم اے کا کہنا ہے کہ 15 مئی سے لے کر 19 مئی تک صوبے میں گرمی کی شدت میں مزید اضافے کا امکان ہے۔
محکمہ موسمیات کے مطابق چترال ،دیر ، سوات ، شانگلہ ، بٹگرام ،تور غر، مانسہرہاور ایبٹ آباد میں بعض مقامات پر گرچ چمک کے ساتھ بارش کا امکان ہے۔
