عمر کے حساب سے دن میں کتنی بار پیشاب آنا نارمل ہے؟

عمر کے حساب سے دن میں پیشاب کی تعداد اور مقدار ویسے تو مختلف عوامل پر منحصر ہوتی ہے، جیسے پانی پینا، خوراک، جسمانی صحت، اور ادویات وغیرہ۔ مگر بعض اوقات اوسط مقدار سے کم یا زیادہ خطرے کی علامت ہوسکتا ہے۔

درج ذیل عمر سے متعلقہ پیشاب کی نارمل مقدار بتائی گئی ہیں؛

بچے (عمر 1-12 سال):

پیشاب کی نارمل مقدار: 6 سے 8 بار دن میں اور رات کے وقت اور سوتے وقت ایک بار پیشاب (خصوصاً کم عمر بچے)

نوجوان اور بالغ افراد (عمر 13-60 سال):

پیشاب کی نارمل مقدار: دن میں 4 سے 7 بار اور کچھ لوگ اگر زیادہ پانی پیتے ہیں تو 8 بار بھی نارمل سمجھا جا سکتا ہے۔

👵 معمر افراد (عمر 60 سال سے اوپر):

پیشاب کی نارمل مقدار: 5 سے 8 بار دن میں اور بعض اوقات 1 سے 2 بار رات میں۔ تاہم واضح رہے کہ عمر کے ساتھ ساتھ مثانے کی صلاحیت کم ہو سکتی ہے اور بعض افراد کو پیشاب پر قابو نہ رہنے (incontinence) یا بار بار پیشاب آنے کی شکایت ہو سکتی ہے۔

کب پریشان ہونا چاہیے؟

اگر آپ کو درج ذیل مسائل کا سامنا ہو تو معالج سے رجوع کرنا ضروری ہے:

1) دن میں 10 سے زیادہ بار پیشاب آنا (polyuria)

2) رات میں 2 سے زیادہ بار جاگ کر پیشاب کرنا (nocturia)

3) پیشاب کرتے وقت جلن یا درد

4) بہت کم پیشاب آنا (oliguria) یعنی روزانہ 400 ml سے کم

5) پیشاب میں خون آنا یا بدبو