انگلینڈ کے فاسٹ بولر لیوک ووڈ نے پی ایس ایل میں شریک نوجوان پاکستانی بولرز احمد دانیال اور علی رضا کی ستائش کردی۔
احمد دانیال اور علی رضا نے پی ایس ایل کے دسویں ایڈیشن میں پشاور زلمی کی نمائندگی کی تھی۔
لیوک ووڈ نے علی رضا کو خاص طور پر سراہا کہ انہوں نے پاور پلے میں انتہائی دباؤ کے لمحات میں بھی بولنگ کی۔
علی رضا نے پی ایس ایل 10 کے 9 میچز میں 12 وکٹیں حاصل کی تھیں جبکہ ان کا اکانومی ریٹ 9.18 رہا۔
لیوک ووڈ نے کہا کہ علی ابھی صرف 17 سال کے ہیں لیکن ان کا ذہنی سکون ان کی عمر سے کہیں زیادہ ہے۔
لیوک ووڈ نے احمد دانیال کی لگن اور فٹنس کو بھی سراہا جو انجریز کے باوجود فرنٹ لائن بولنگ کے لیے تیار رہے۔
