پاکستان تحریک انصاف کے جنرل سیکریٹری سلمان اکرم راجہ نے کہا ہے کہ 14 اگست کو پوری قوم بانی پی ٹی آئی عمران خان اور پی ٹی آئی سے وابستگی کا اظہار کرے گی۔
اسلام آباد میں میڈیا سے گفتگو کرتے ہوئے ان کا کہنا تھا کہ 14 اگست جشن کا دن ہے، پوری قوم جشن مناتی ہے، ہم بھی جشن منائیں گے، پوری قوم آزادی کی خواہش اور تمنا کا اظہار کریگی۔
انہوں نے کہا کہ قوم بانی پی ٹی آئی اور تحریک انصاف سے وابستگی کا اظہار کریگی، 14 اگست کو پوری قوم باہر ہوگی، ہم بھی باہر ہونگے اور ہم اس قوم کا کلیدی حصہ ہیں۔
جنرل سیکرٹری پی ٹی آئی نے کہا کہ بانی پی ٹی آئی کے پیچھے پوری قوم متحد ہے، یہ جشن کا دن ہے احتجاج کا دن نہیں ہے۔
