امریکا اور جنوبی کوریا بین البراعظمی میزائلوں کی رینج بڑھانے پر متفق

دونوں اتحادی جنوبی کوریا کے میزائل کی رینج 800کلومیٹر تک بڑھانے پر آمادہ ہیں، شمالی کوریا کو کور کرنے کیلیے کافی ہے. فوٹو: رائٹرز/ فائل

---

جنوبی کوریا اور امریکا کے بین البراعظمی میزائلوں کی رینج بڑھانے پر معاہدے کے قریب ہیں تاکہ شمالی کوریا کی طرف سے لاحق خطرات کا بہتر طور پر تحفظ کیا جاسکے۔

جنوبی کوریا کی خبر ایجنسی کے مطابق دونوں اتحادی جنوبی کوریا کے میزائل کی رینج 800 کلومیٹرتک بڑھانے پر متفق ہیں، یہ رینج پورے شمالی کوریا کو کور کرنے کیلیے کافی ہے۔ سفارتی ذرائع کے مطابق جنوبی کوریا کے بین البراعظمی میزائلوں کی رینج اس وقت 300کلومیٹر تک ہے۔ خبررساں ایجنسی کے مطابق بین البراعظمی میزائلوں کے رینج کی نئی حد کے بارے میں آئندہ ماہ اعلان متوقع ہے۔

تاہم جنوبی کوریا کی وزارت دفاع کے ترجمان سے اس بارے میں تبصرے کیلیے فوری طور پر رابطہ قائم نہیں کیا جاسکا،جنوبی کوریا کے صدر لیو میونگ بک نے مارچ میں کہا تھا کہ شمالی کوریا کے میزائل جنوبی جزیرہ جے جو تک پہنچ سکتے ہیںجو کہ سرحد سے چار سو کلومیٹر سے زائد جنوب میں ہے۔ انہوں نے اس بات پر زور دیا کہ جنوبی کوریا کیلئے ضرورت اس امر کی ہے کہ وہ اپنے میزائلوں کی رینج میں حقیقت پسندانہ ردوبدل کرے ۔