کراچی میں ٹریفک کی روانی کو بہتر کرنے والے کے لیے ڈی آئی جی ٹریفک کی سفارشات پر کمشنر کراچی نے شہر کی مزید اہم سڑکوں پر چنگچی رکشا پر پابندی عائد کردی جس کا نوٹی فکیشن جاری کردیا گیا۔
نوٹی فکیشن کے مطابق شہر کی اہم سڑکوں پر ون پلس ٹو اور وہ پلس فور رکشا کے داخلے پر پابندی عائد کردی گئی ہے، شہرمیں رکشوں کی پابندی کا دائرہ بڑھا کر مجموعی طور پر 26 مرکزی سڑکوں تک کردیا گیا ہے جہاں چنگچی رکشا داخل نہیں ہوسکیں گے۔
نوٹی فکیشن کے مطابق ڈی آئی جی ٹریفک کی سفارش پر شہر میں رکشا کی آمد ورفت محدود کرنے کا باقاعدہ فیصلہ کیا گیا ہے تاکہ ٹریفک کی روانی بہتر ہوسکے، شارع فیصل سے آئی آئی چندریگر روڈ تک رکشوں کی مکمل ممانعت فوری طور پر نافذ العمل ہوگی، شہر کی 26 سڑکوں پر رکشہ پابندی 18 اکتوبر سے 17 دسمبر 2025 تک مؤثر قرار دی گئی۔
ٹریفک کی روانی بہتر بنانے کیلئے کمشنر کراچی نے سیکشن 144 کے تحت پابندی نافذ کی ہے۔ خلاف ورزی کی صورت میں ایس ایچ اوز کو سیکشن 188 کے تحت مقدمات درج کرنے کی ہدایات جاری کردی گئیں متعلقہ محکموں اور ڈپٹی کمشنرز کو تمام احکامات پر فوری اور سخت عملدرآمد یقینی بنانے کا حکم دیا گیا ہے۔
اطلاعات ہیں کہ عوامی شکایات، ٹریفک جام اور حادثات کے خدشات کے باعث شہر کی مرکزی شاہراہوں پر رکشا پابندی لگائی گئی۔
کمشنر کراچی نے مزید چھ بڑی شاہراہوں پر 1+4 رکشوں کی آمد و رفت پر مکمل پابندی عائد کی ہے ان میں شاہراہ فیصل ملیر ہالٹ سے قائد آباد، نیشنل ہائی وے سے قائد آباد اور گھگر پھاٹک تک چنگ چنی رکشوں پر پابندی ہے۔کے پی ٹی ڈاک خانہ سے شیری جناح کالونی، ایم 9 موٹروے سے ٹول پلازہ، لیاقت آباد دس نمبر سے نمائش چورنگی، بورڈ آفس سے نمائس چورنگی بھی شامل ہیں۔
ٹریفک پولیس کی نئی سفارشات پر رکشا پابندی کے دائرہ کار میں باضابطہ توسیع کی گئی ہے نئی چھ شاہراہوں پر رکشا پابندی پہلے سے جاری نوٹی فکیشن کے مساوی مدت کیلئے نافذ رہے گی۔
