اسلام آباد:
جسٹس میاں گل حسن اورنگزیب نے سپریم کورٹ کے مستقل جج کا حلف اٹھا لیا۔
حلف برداری کی تقریب سپریم کورٹ میں ہوئی، چیف جسٹس پاکستان جسٹس یحییٰ آفریدی نے حلف لیا۔
حلف برداری کی تقریب میں چیف جسٹس اسلام آباد ہائی کورٹ سرفراز ڈوگر، جسٹس محسن اختر کیانی، جسٹس بابر ستار، جسٹس طارق جہانگیری اور جسٹس سردار اعجاز اسحاق شریک ہوئے۔
حلف برداری کی تقریب میں سپریم کورٹ کے ججز بھی شریک تھے۔
جسٹس ثمن رفعت امتیاز، جسٹس محمد آصف، جسٹس عائشہ ملک، جسٹس منیب اختر، جسٹس عقیل عباسی، جسٹس مسرت ہلالی اور جسٹس ہاشم کاکڑ بھی شریک ہوئے۔
تقریب میں وفاقی شرعی عدالت کے چیف جسٹس اقبال حمید الرحمان بھی شریک ہوئے۔
