لاہور:
سول لائن پولیس نے بینک میں اکاؤنٹ کھلوانے کے بہانے موبائل چوری کرنے والے 2 ملزمان کو گرفتار کرلیا۔
پولیس کے مطابق ملزمان چند روز قبل میزان بینک کے اسٹاف کا موبائل چوری کر کے رفو چکر ہو گئے تھے، ملزم کو CCTV فوٹیج میں بینک سے موبائل چوری کرتے دیکھا جاسکتا ہے۔
ملزمان گن پوائنٹ پر لوگوں سے لوٹ مار کرکے فرار ہو جاتے تھے، ملزمان سے 50 ہزار نقدی، چوری شدہ موبائل فون اور پستول بمع گولیاں برآمد ہوئی ہیں۔
گرفتار ملزمان میں عثمان اور رقیب شامل ہیں جن کے خلاف مقدمہ درج کرکے تفتیش جاری ہے۔
