لاہور ہائی کورٹ نے سرکاری ملازمین کے خلاف تادیبی کارروائیوں سے متعلق اہم فیصلہ جاری کرتے ہوئے قرار دیا ہے کہ انکوائری کے ابتدائی مرحلے میں عدالتی مداخلت قبل از وقت تصور ہوتی ہے۔
عدالت نے کہا کہ پرانے شوکاز نوٹس واپس لے کر نئی انکوائری شروع کرنا قانون کے مطابق ہے۔
عدالت نے اپنے فیصلے میں واضح کیا کہ ڈی نو انکوائری کو ایک ہی جرم پر دو بار سزا یعنی ڈبل جیوپرڈی قرار نہیں دیا جا سکتا۔ مزید کہا گیا کہ درخواست گزار پہلے نوٹسز کی واپسی کا فائدہ اٹھا کر بعد میں اسی عمل کو چیلنج نہیں کر سکتے۔
لاہور ہائی کورٹ نے اس معاملے پر 9 صفحات پر مشتمل تفصیلی فیصلہ جاری کر دیا ہے۔
