ٹیکنالوجی کمپنی ایپل نے ایک تازہ رپورٹ میں بتایا ہے کہ کمپنی کو اپنی ڈیوائسز کے لیے کافی چپس بنانے میں سخت مشکلات کا سامنا ہے۔
ایپل کے مطابق میموری چپس کی کمی اتنی سنگین ہو گئی ہے کہ اس کی وجہ سے آئی فون کی فروخت بھی متاثر ہوئی ہے۔
یہ نتائج ایسے وقت میں سامنے آئے ہیں جب ایپل کے آنے والے چیف ایگزیکٹو جان ٹیرنس، 15 برس تک کمپنی کی قیادت کرنے والے ٹِم کُک سے ذمہ داری سنبھالنے کی تیاری کر رہے ہیں۔
رپورٹ کے مطابق تازہ آئی فون 17 پرو سیریز اور نیا، سستا میک بک نیو زبردست فروخت ہو رہے ہیں، چاہے دیگر کنزیومر الیکٹرانکس کی ڈیمانڈ کم کیوں نہ ہو۔
تاہم، مسٹر کُک نے خبردار کیا کہ یہ مصنوعات اور کمپنی کی مجموعی کارکردگی چپس کی عالمی قلت کی وجہ سے متاثر ہو سکتی ہیں۔
