شام کے صدر احمد الشرع نے کو کئی اعلیٰ سرکاری عہدوں پر ردوبدل کیا ہے جس میں اپنے بھائی کو بھی ایک اہم عہدے سے ہٹا دیا ہے۔
شام کے سرکاری میڈیا صنعا کی رپورٹس کے مطابق احمد الشرع کے بھائی مہر الشرع پر اقربا پروری کے الزامات لگائے گئے تھے۔ مہر الشارع دمشق میں صدارت کے سیکرٹری جنرل کے طور پر خدمات انجام دے رہے تھے۔ پچھلے سال ان کی ابتدائی تقرری نے شام کے سابق صدر بشار الاسد اور ان کے والد اور پیشرو حافظ الاسد کے دور کے طریقوں کے ساتھ مماثلت پیدا کرلی تھی۔
رپورٹس کے مطابق ایک حکم نامے میں صدر نے عبدالرحمٰن بدرالدین العامہ کو، جو پہلے صوبہ حمص کے گورنر تھے، کو اپنے بھائی کی جگہ مقرر کیا ہے۔
فوری طور پر یہ واضح نہیں ہوسکا کہ مہر الشرع اب کون سی پوزیشن سنھبالیں گے۔ وہ ایک معالج ہیں جو اس سے قبل شام کے عبوری وزیر صحت کے طور پر بھی خدمات انجام دے چکے ہیں۔
