اسلام آباد ہائی کورٹ کے حکم پر اڈیالہ جیل میں بانی پی ٹی آئی عمران خان کی اہلیہ بشریٰ بی بی کی فیملی کی سپرٹینڈنٹ سے ملاقات کروائی گئی۔
تفصیلات کے مطابق بشری بی بی کی بیٹی اور بھابھی نے سپریٹنڈنٹ اڈیالہ جیل سے ملاقات کی۔
ملاقات کرنے والوں میں بھابھی مہر النساء، بیٹی مبشرہ شیخ اور دو بچے روحی اور یوسف شامل تھے۔
ملاقات اسلام آباد ہائیکورٹ کے حکم پر کی گئی۔ ملاقات سپرٹینڈنٹ اڈیالہ جیل کے کمرہ میں 20 منٹ تک جاری رہی۔
جیل ذرائع کے مطابق ملاقات میں فیملی کی بشری بی بی سے ملاقات اور صحت کے حوالے سے بات چیت کی گئی۔
