کراچی:
شہر قائد کے علاقے اورنگی ٹاؤن سیکٹر 11-E زونل آفس کے قریب مومن آباد پولیس اور مبینہ ڈاکوؤں کے درمیان مقابلہ ہوا جس کے نتیجے میں 2 زخمی سمیت 3 ملزمان کو گرفتار کرلیا گیا۔
پولیس اور چھیپا حکام کے مطابق مقابلے کے دوران زخمی ہونے والے ملزمان کی شناخت حسین علی اور ارسلان کے نام سے ہوئی ہے جنہیں فوری طور پر طبی امداد کے لیے اسپتال منتقل کردیا گیا۔
جبکہ تیسرے گرفتار ملزم عمیر کو تھانے منتقل کر کے تفتیش شروع کردی گئی ہے۔
