امریکی حملوں کے جواب میں ایران نے آبنائے ہرمز بند کر دی، دو جہازوں کو نشانہ بنانے کی اطلاعات

فوٹو: اے آئی تصوراتی تصویر

---

ایرانی فوجی قیادت نے امریکا کی جانب سے دوبارہ فضائی حملے شروع ہونے کے بعد جوابی کارروائیاں شروع کر دی ہیں ایرانی میڈیا کے مطابق پاسداران انقلاب نے آبنائے ہرمز کو مکمل طور پر بند کرنے کا اعلان کر دیا ہے۔

ایرانی اعلیٰ مشترکہ فوجی کمان کے مطابق آبنائے ہرمز سے آئل ٹینکرز اور تجارتی بحری جہازوں کی آمد و رفت معطل کر دی گئی ہے۔

مزید پڑھیں

امریکی افواج اور پاسداران انقلاب کے درمیان آبنائے ہرمز میں جھڑپیں شروع

ایران کے خلاف امریکی فضائی کارروائیاں دوبارہ شروع، تہران اور بندرعباس میں دھماکوں کی اطلاعات

حکام نے سخت موقف اختیار کرتے ہوئے کہا ہے کہ جو بھی بحری جہاز اس راستے سے گزرنے کی کوشش کرے گا اسے نشانہ بنایا جا سکتا ہے۔

ایرانی ذرائع کے مطابق پاسدارانِ انقلاب نے دعویٰ کیا ہے کہ آبنائے ہرمز سے گزرنے کی کوشش کرنے والے دو بحری جہازوں کو نشانہ بنایا گیا ہے۔ تاہم ان دعوؤں کی آزاد ذرائع سے فوری تصدیق ممکن نہیں ہو سکی۔