کراچی:
شارع فیصل پولیس نے مبینہ مقابلے کے بعد زخمی سمیت 3 ڈاکوؤں کو گرفتار کر کے اسلحہ اور دیگر سامان برآمد کر لیا ۔
تفصیلات کے مطابق شارع فیصل پولیس نے جمعرات اور جمعہ کی درمیانی شب ناتھا خان پل کے قریب سے مبینہ مقابلے کے بعد زخمی سمیت 3 ڈاکوؤں کو گرفتار کر لیا جب کہ زخمی کو جناح اسپتال منتقل کیا گیا ۔
ترجمان کراچی پولیس کے مطابق گرفتار ملزمان سے پستول بمعہ گولیاں ، موبائل فونز ، کیش رقم اور موٹرسائیکل برآمد کی گئی ہے۔
