پاکستان ٹیسٹ ٹیم کے کپتان بابر اعظم انگلینڈ میں کینٹ کاؤنٹی کرکٹ کلب کے خلاف جاری تین روزہ پریکٹس میچ کے دوسرے روز بیٹنگ کے دوران دائیں ہاتھ پر گیند لگنے سے زخمی ہوگئے۔
ٹیم ڈاکٹر کی جانب سے معائنے کے بعد احتیاطی تدابیر کے طور پر بابر اعظم کو پریکٹس میچ کے باقی ماندہ حصے میں آرام کا مشورہ دیا گیا ہے۔
پاکستان ٹیم انتظامیہ کے مطابق بابر اعظم کی انجری کا مزید جائزہ لیا جائے گا۔ تاہم، انہیں پیر 17 اگست کو ہیڈنگلے کرکٹ گراؤنڈ میں قومی ٹیم کے پریکٹس سیشن میں شرکت کرنی ہے۔
بابر اعظم کی دستیابی پر ٹیم انتظامیہ کی جانب سے آئندہ پریکٹس سیشن کے دوران مزید اپ ڈیٹ دیے جانے کا امکان ہے۔
