لاہور ڈویژن اسپورٹس ایسوسی ایشن کے زیر اہتمام لاہور ریلوے اسٹیڈیم میں باسکٹ بال اور ویٹ لفٹنگ کے مقابلوں کا انعقاد کیا گیا جس کا مقصد انٹر ڈویژن چیمپئن شپ کے لیے بہترین کھلاڑیوں کا انتخاب تھا۔
مقابلوں میں کھلاڑیوں نے شاندار کارکردگی کا مظاہرہ کرتے ہوئے اپنی صلاحیتوں کا بھرپور اظہار کیا۔ انٹر ڈویژن چیمپئن شپ کے لیے کھلاڑیوں کی تیاری اور پریکٹس سیشنز کے ساتھ خصوصی تربیتی مراحل بھی مکمل کیے گئے۔
بہترین کارکردگی دکھانے والے کھلاڑیوں کو انٹر ڈویژن چیمپئن شپ کے لیے منتخب کرلیا گیا۔
اس موقع پر ڈویژنل اسپورٹس آفیسر غلام مرتضیٰ اور ڈویژنل مکینیکل انجینئر محمد زوہیب بھٹی نے نمایاں کارکردگی دکھانے والے کھلاڑیوں میں انعامات تقسیم کیے۔
اسپورٹس آفیسر پاکستان ریلوے اسپورٹس بورڈ اویس اکبر اور اسپورٹس انچارج ندیم اقبال بٹ بھی اس موقع پر موجود تھے۔
