ٹریوس ہیڈ کا آؤٹ ہونے کے بعد بیلز دوبارہ رکھنے کا انداز سوشل میڈیا پر وائرل

---

ڈارون ٹیسٹ میں بنگلادیش کے خلاف آسٹریلوی بیٹر ٹریوس ہیڈ کی آؤٹ ہونے کے بعد وکٹ پر دوبارہ بیلز رکھنے کی ویڈیو سوشل میڈیا پر وائرل ہوگئی۔

پہلے ٹیسٹ میں ٹریوس ہیڈ کو بنگلادیشی فاسٹ بولر حسن محمود نے 17 رنز پر کلین بولڈ کیا۔ آؤٹ ہونے کے بعد پویلین جانے سے قبل ٹریوس ہیڈ نے خود وکٹ پر بیلز دوبارہ رکھ دیں جس کی ویڈیو نے سوشل میڈیا صارفین کی توجہ حاصل کرلی۔

"I've never seen that in all my cricketing career."

Travis Head chopped on for a second time in this match, but his considerate move even caught Adam Gilchrist off guard. #AUSvBAN pic.twitter.com/LEKgbtbshq

— cricket.com.au (@cricketcomau) August 15, 2026

دوسری جانب میچ میں بنگلادیش کی پوزیشن مضبوط ہے۔ آسٹریلیا پہلی اننگز میں 198 رنز پر آؤٹ ہوا جبکہ بنگلادیش نے تنزید حسن کی شاندار سنچری کی بدولت 426 رنز بنائے۔

تیسرے روز کھیل کے اختتام پر آسٹریلیا نے دوسری اننگز میں 4 وکٹوں کے نقصان پر 161 رنز بنالیے ہیں اور اسے بنگلادیش کی برتری ختم کرنے کے لیے مزید 67 رنز درکار ہیں۔