سندھ کے علاقے عمرکوٹ سے تعلق رکھنے والے نوجوان مڈل آرڈر بیٹر محمد سلیمان بھبرو نے شاندار سنچری اسکور کرکے اپنی صلاحیتوں کا بھرپور اظہار کردیا اور مین آف دی میچ کا اعزاز حاصل کرلیا۔
محمد سلیمان نے 101 رنز کی ناقابلِ شکست اننگز کھیلی اور اپنی سلیکشن کو درست ثابت کر دیا۔
محمد سلیمان کا تعلق سندھ کے علاقے عمرکوٹ سے ہے اور وہ حیدرآباد ریجن، پاکستان ٹیلی ویژن اور پاکستان شاہینز کی نمائندگی کرچکے ہیں۔ ڈومیسٹک کرکٹ میں بھی ان کی کارکردگی نمایاں رہی ہے۔
ان کی شاندار اننگز نے یہ ثابت کیا کہ اگر باصلاحیت کھلاڑیوں کو مناسب مواقع دیے جائیں تو وہ اپنی کارکردگی سے نہ صرف ٹیم کی کامیابی میں اہم کردار ادا کرسکتے ہیں بلکہ ملک کا نام بھی روشن کر سکتے ہیں۔
