بھارت نے سری لنکا کے خلاف افتتاحی ٹیسٹ کے تیسرے روز اپنی پہلی اننگز 462 رنز پر مکمل کرلی۔
گال میں کھیلے جا رہے ٹیسٹ میں بھارت نے تیسرے دن کھیل کا آغاز 460 رنز نو کھلاڑی آؤٹ سے کیا، تاہم آخری وکٹ کے لیے صرف دو رنز کا اضافہ کرسکا۔
پراسیدھ کرشنا کو اسیتھا فرنینڈو نے آؤٹ کرکے بھارتی اننگز کا خاتمہ کیا۔
بھارت کی جانب سے دیودوت پڈیکل نے شاندار بیٹنگ کا مظاہرہ کرتے ہوئے 167 رنز کی بڑی اننگز کھیلی جبکہ کے ایل راہول نے 82 اور دھروو جوریل نے 51 رنز بنائے۔
سری لنکا کی جانب سے پرباتھ جے سوریا سب سے کامیاب بولر رہے جنہوں نے 4 وکٹیں حاصل کیں۔
کیشارا نوانتھا نے 3 جبکہ اسیتھا فرنینڈو نے 2 کھلاڑیوں کو پویلین بھیجا۔
واضح رہے کہ دوسرے روز مسلسل بارش کے باعث پہلے دو سیشنز کا کھیل ممکن نہیں ہوسکا تھا۔
