بائرن میونخ کے جرمن مڈفیلڈر جمال موسیالا نے انکشاف کیا ہے کہ مسلسل دو میچوں کے دوران اچانک گرنے کے واقعات کے بعد انہیں عارضی اعصابی عارضے کی تشخیص ہوئی ہے۔
23 سالہ فٹبالر منگل کو ہائیڈن ہائم کے خلاف بائرن میونخ کی 2-4 سے دوستانہ میچ میں کامیابی کے دوران متبادل کھلاڑی کی حیثیت سے میدان میں اترے تاہم صرف چھ منٹ بعد وہ اچانک گر گئے۔
انہیں طبی امداد فراہم کرنے کے بعد میدان سے باہر لے جایا گیا۔
اس سے قبل ہفتے کے روز آر بی لائپزگ کے خلاف 1-3 کی فتح میں بھی موسیالا کے ساتھ ایسا ہی واقعہ پیش آیا تھا۔
موسیالا نے سوشل میڈیا پر بتایا کہ ڈاکٹروں نے عارضی اور مختصر نوعیت کی ایسی کیفیت کی تشخیص کی ہے جو اعصابی نظام میں خرابی کے باعث پیدا ہوتی ہے، تاہم اسے آسانی سے قابو کیا جاسکتا ہے۔
ان کے مطابق طبی معائنے میں کسی اضافی خطرے کی نشاندہی نہیں ہوئی اور وہ بہترین علاج حاصل کر رہے ہیں۔
موسیالا گزشتہ سیزن میں ٹخنے کی انجری کے باعث چھ ماہ میدان سے باہر رہے تھے تاہم بعد میں صحت یاب ہوکر 2026 ورلڈ کپ میں جرمنی کی نمائندگی بھی کی۔
