بالی ووڈ فلمساز کرن جوہر نے اپنی دیرینہ دوست اور اداکارہ کاجول سے متعلق دلچسپ انکشاف کرتے ہوئے بتایا کہ ایک وقت میں وہ اداکار اکشے کمار پر بہت بڑا کرش رکھتی تھیں۔
کپل شرما کے پروگرام کی ایک پرانی ویڈیو دوبارہ سوشل میڈیا پر وائرل ہو رہی ہے جس میں کرن جوہر اور کاجول اپنی دوستی کے آغاز کا دلچسپ قصہ سناتے نظر آئے۔
کرن جوہر نے بتایا کہ کاجول سے ان کی پہلی ملاقات ایک فلمی پارٹی میں ہوئی تھی جہاں وہ تھری پیس سوٹ اور ٹائی پہن کر پہنچے تھے۔ کاجول انہیں دیکھتے ہی ہنسنے لگیں اور تقریباً آدھے گھنٹے تک ان کا مذاق اڑاتی رہیں، جس پر کرن اتنے شرمندہ ہوئے کہ پارٹی چھوڑ کر چلے گئے۔
دونوں کی اگلی ملاقات ایک فلم کے پریمیئر پر ہوئی اور یہی ملاقات ان کی دوستی کی وجہ بن گئی۔
کرن جوہر کے مطابق اس وقت کاجول کو اکشے کمار پر بڑا کرش تھا اور وہ پوری تقریب میں انہیں تلاش کر رہی تھیں اور وہ بھی اکشے کو ڈھونڈنے میں ان کا ساتھ دینے لگے۔
کرن نے مزاحیہ انداز میں کہا کہ انہیں اکشے کمار تو نہیں ملے لیکن اس تلاش کے دوران وہ اور کاجول ایک دوسرے کو مل گئے اور دوست بن گئے۔
