سری لنکا کے اسپنر پرباتھ جے سوریا کو بھارت کے خلاف کولمبو ٹیسٹ کے دوسرے روز ضابطہ اخلاق کی خلاف ورزی پر سرزنش کے ساتھ ایک ڈی میرٹ پوائنٹ دے دیا گیا۔
آئی سی سی کے مطابق جے سوریا نے کھلاڑیوں اور معاون عملے سے متعلق ضابطہ اخلاق کے آرٹیکل 2.2 کی خلاف ورزی کی جو بین الاقوامی میچ کے دوران کرکٹ کے سامان یا میدان میں موجود سہولیات کو نقصان پہنچانے یا غلط استعمال سے متعلق ہے۔
واقعہ اس وقت پیش آیا جب جے سوریا پہلی اننگز میں بھارت کے اسپنر مانو ستھر کی گیند پر ایل بی ڈبلیو آؤٹ ہوئے۔
پویلین واپس جاتے ہوئے انہوں نے غصے میں بیٹ سے باؤنڈری کے حصے کو مارا۔
یہ 24 ماہ کے دوران جے سوریا کی پہلی خلاف ورزی ہے۔
سری لنکن اسپنر نے اپنا جرم تسلیم کرلیا اور میچ ریفری اینڈی پائکرافٹ کی جانب سے تجویز کردہ سزا قبول کی۔
