انگلش فٹبال کلب مانچسٹر سٹی نے فرانس کے کلب لِل سے مراکش کے نوجوان مڈفیلڈر ایوب بوعادی کو پانچ سالہ معاہدے پر سائن کرلیا جس کے بعد وہ پریمیئر لیگ کی تاریخ کے سب سے مہنگے نوعمر کھلاڑی بن گئے۔
فرانسیسی کلب لِل کے مطابق ایوب بوعادی کی منتقلی کی فیس 10 کروڑ یورو (تقریباً 8 کروڑ 56 لاکھ پاؤنڈ) ہے جو پریمیئر لیگ میں کسی نوعمر کھلاڑی کے لیے سب سے بڑی رقم ہے۔
ایوب بوعادی نے 2024 میں لِل سے مانچسٹر یونائیٹڈ جانے والے لینا یورو کا ریکارڈ توڑ دیا جن کی منتقلی پر 5 کروڑ 89 لاکھ پاؤنڈ خرچ کیے گئے تھے۔
18 سالہ بوعادی حالیہ ورلڈ کپ میں مراکش کی جانب سے نمایاں کارکردگی دکھانے والے کھلاڑیوں میں شامل تھے۔ مراکش نے کوارٹر فائنل تک رسائی حاصل کی جہاں اسے فرانس کے ہاتھوں شکست کا سامنا کرنا پڑا۔
نوجوان کھلاڑی بوعادی نے صرف 16 سال کی عمر میں لِل کی پہلی ٹیم میں جگہ بنائی اور کلب کی جانب سے 96 میچز کھیلے۔
