پاکستانی گلوکار علی سیٹھی اور شائے گل کے عالمی شہرت یافتہ گانے ’پسوری‘ نے ایک اور بڑا سنگِ میل عبور کرتے ہوئے یوٹیوب پر ایک ارب ویوز مکمل کر لیے۔
رپورٹ کے مطابق ’پسوری‘ پاکستان میں تیار ہونے والا پہلا میوزک ویڈیو بن گیا ہے جس نے یوٹیوب پر ایک ارب ویوز کا ہندسہ عبور کیا ہے۔
اس کامیابی کے بعد علی سیٹھی اور شائے گل کی ایک ویڈیو بھی سوشل میڈیا پر سامنے آئی جس میں دونوں نے دنیا بھر میں موجود اپنے مداحوں کا شکریہ ادا کرتے ہوئے اس سنگِ میل پر خوشی کا اظہار کیا۔
