راولپنڈی:
راولپنڈی کی سینٹرل جیل اڈیالہ میں ایک حوالاتی قیدی بیماری کے باعث جاں بحق ہوگیا۔
حکام کے مطابق 40 سالہ اویس احمد تھانہ جاتلی کے منشیات کے مقدمے میں اسیر تھا۔
جیل انتظامیہ کا کہنا ہے کہ قیدی کی اچانک طبیعت خراب ہوئی جس پر اسے فوری طور پر ایمبولینس کے ذریعے اسپتال منتقل کیا گیا تاہم وہ اسپتال پہنچنے سے قبل ہی راستے میں دم توڑ گیا۔
حکام کے مطابق واقعے سے متعلق مزید کارروائی عمل میں لائی جا رہی ہے۔
