بالی ووڈ سپر اسٹار سلمان خان کے دیرینہ باڈی گارڈ شیرا کے بیٹے ابیر سنگھ کی فلمی دنیا میں انٹری کی خبریں سامنے آگئی ہیں۔
بھارتی میڈیا رپورٹس کے مطابق ابیر سنگھ مبینہ طور پر فلم ’ٹارزن‘ سے بالی ووڈ ڈیبیو کریں گے، جس میں ان کے ساتھ اداکار سورج پنچولی بھی اہم کردار میں نظر آسکتے ہیں۔
فلم کے ہدایتکار، پروڈکشن ہاؤس اور دیگر کاسٹ سے متعلق تفصیلات تاحال سامنے نہیں آئیں، جبکہ یہ بھی واضح نہیں کہ سلمان خان اس منصوبے سے کسی حیثیت میں وابستہ ہیں یا نہیں۔
شیرا کے بیٹے کے بالی ووڈ ڈیبیو کی خبریں پہلی مرتبہ 2022 میں سامنے آئی تھیں، جب رپورٹس میں دعویٰ کیا گیا تھا کہ سلمان خان ان کی فلمی لانچنگ کیلئے سرگرم ہیں۔
واضح رہے کہ سلمان خان ماضی میں سوناکشی سنہا، زرین خان، ڈیزی شاہ، سائی منجریکر، وارینا حسین اور آیوش شرما سمیت کئی فنکاروں کو فلمی دنیا میں متعارف کرانے میں اہم کردار ادا کر چکے ہیں۔
