کراچی:
ایف آئی اے کارپوریٹ کرائم سرکل نے ایک بڑی کارروائی میں خلاف قوانین بھرتیوں کے الزام میں نیشنل انشورنس کمپنی کے ایگزیکٹو ڈائریکٹر کو گرفتار کرلیا۔
ایف آئی اے حکام کے مطابق ایگزیکٹو ڈائریکٹر طارق عزیز کو تحقیقات مکمل ہونے پر درج ایف آئی آر میں گرفتار کیا گیا، ایگزیکٹو ڈائریکٹر 7 ستمبرکو درج مقدمے میں مفرور اور دیگر 6 افسران کے ساتھ نامزد ہیں۔
مقدمے میں سابق چئیرمین ایاز خان نیازی سمیت دو سابق ایگزیکٹو ڈائریکٹرز بھی نامزد ہیں، این آئی سی ایل سی بی اے عہدے داروں کی تحریری شکایت پر ان تحقیقات کا آغاز کیا گیا تھا، مبینہ طور پر ادارے میں سیکڑوں بھرتیوں پر سرکاری آڈیٹر نے بھی اعتراضات عائد کیے تھے۔
