بچے کی سالگرہ کے لیے بڑی رقم خرچ کرنا ضروری نہیں۔ تھوڑی سی منصوبہ بندی، مناسب تھیم اور عمر کے مطابق سرگرمیوں کے ذریعے گھر میں بھی ایسا جشن ترتیب دیا جاسکتا ہے جسے بچہ اور اس کے دوست طویل عرصے تک یاد رکھیں۔
چھوٹے بچوں کے لیے ’’سپر ہیرو ٹریننگ کیمپ‘‘ ایک دلچسپ تھیم ہوسکتا ہے۔ دو سالہ بچے کی سالگرہ میں کمرے کو سپر ہیرو انداز میں سجانے کے ساتھ ہیرو سینڈوچ اور ’’پاور پنچ‘‘ فروٹ جوس جیسے کھانے رکھے جاسکتے ہیں۔ مہمان بچوں کو واپسی پر چھوٹے سپر ہیرو ماسک یا رسٹ بینڈ بھی دیے جاسکتے ہیں۔
چار سالہ بچے کے لیے ’’پرنسس ٹی پارٹی‘‘ کا اہتمام بھی کیا جاسکتا ہے۔ پارٹی ایریا کو پھولوں اور خوبصورت رنگوں سے سجایا جائے تو گھر میں ہی ایک شاہانہ ماحول پیدا کیا جاسکتا ہے۔ پرنسس تھیم کے سینٹر پیس اور دوسری آرائشی اشیا بھی اس سجاوٹ کا حصہ بن سکتی ہیں۔
اگر بچے کو پریوں اور جادوئی دنیا میں دلچسپی ہے تو ’’فیری گارڈن ڈیلائٹ‘‘ ایک اور منفرد انتخاب ہوسکتا ہے۔ پھولوں، تتلیوں اور پریوں کی روشنیوں سے پارٹی کی جگہ کو ایک سحر انگیز باغ کی شکل دی جاسکتی ہے۔ چھوٹی پریوں کے مجسمے، پریوں کی چھڑیاں اور تھیم والے بک مارکس بچوں کے لیے تحفے کے طور پر رکھے جاسکتے ہیں۔
دو سالہ بچے کے لیے ’’سفاری‘‘ یا ’’جنگل ایڈونچر‘‘ تھیم بھی خاصی دلچسپ ہوسکتی ہے۔ جنگلی جانوروں اور قدرتی ماحول سے متاثر سجاوٹ بچوں کے لیے تفریح کے ساتھ ایک تعلیمی پہلو بھی رکھ سکتی ہے۔
سالگرہ کے لیے تھیم کا انتخاب کرتے وقت سب سے اہم بات بچے کی عمر اور دلچسپی کو سامنے رکھنا ہے۔ کھیل اور سرگرمیاں بھی اسی عمر کے مطابق ہونی چاہئیں تاکہ بچے محفوظ انداز میں لطف اندوز ہونے کے ساتھ اپنی عمر کے لحاظ سے مناسب سرگرمیوں میں حصہ لے سکیں۔
