پاکستان کے سابق کپتان وسیم اکرم نے بابر اعظم کے دوبارہ ٹیسٹ ٹیم کی کپتانی سنبھالنے کے فیصلے کو غلط قرار دیا ہے۔
مانچسٹر میں ایک فنڈ ریزنگ پروگرام کے دوران میڈیا سے گفتگو کرتے ہوئے وسیم اکرم نے انگلینڈ کے خلاف تیسرے ٹیسٹ سے قبل ٹیم میں 7 کھلاڑیوں اور کوچ کی تبدیلی سے بابر اعظم کے لاعلم ہونے سے متعلق سوال پر سخت ردعمل دیا۔
وسیم اکرم نے کہا کہ اگر بابر اعظم کو ٹیم میں ہونے والی تبدیلیوں کا علم نہیں تو پھر وہ کپتان کی حیثیت سے کیا کر رہے ہیں۔
انہوں نے کہا کہ بطور کھلاڑی یا شخص ان کا ماننا ہے کہ اگر ٹیم کا لیڈر یا کپتان کھلاڑی کا ساتھ نہ دے تو وہ اپنی 100 فیصد کارکردگی نہیں دے سکتا۔
سابق کپتان نے مزید کہا کہ دوسرے ٹیسٹ کے بعد جو کچھ ہوا، بابر اعظم کو کپتانی چھوڑتے ہوئے پاکستان کرکٹ بورڈ سے کہنا چاہیے تھا کہ وہ صرف بطور کھلاڑی ٹیم کا حصہ بنیں گے۔
