گوادر:
پاک چائنا فرینڈ شپ اسپتال گوادر میں پاک آرمی کی میڈیکل ٹیم نے دماغ کی کامیاب سرجری انجام دے کر اہم طبی کامیابی حاصل کر لی۔
پاک آرمی کی میڈیکل ٹیم نے محدود طبی وسائل اور آلات کے باوجود نوجوان کی کامیاب سرجری کی۔
ٹریفک حادثے میں شدید زخمی گوادر کے رہائشی 17 سالہ سلمان کو تشویشناک حالت میں پاک چائنا فرینڈ شپ اسپتال منتقل کیا گیا تھا۔ حادثے کا شکار سلمان کے اہلِ خانہ نے کامیاب سرجری اورجان بچانے پر پاک آرمی کی میڈیکل ٹیم کا دلی شکریہ ادا کیا۔
مریض کے اہلِ خانہ نے پاک آرمی کی جانب سے گوادر میں بروقت طبی امداد اور انسانیت کی خدمت کے جذبے کو بھرپور سراہا۔
