پشاور:
خیبر کے علاقے باڑہ میں پولیس اور حساس اداروں نے انٹیلی جنس بیسڈ کارروائی کرتے ہوئے حضرت شیخ ادریس کو ٹارگٹ کلنگ کا نشانہ بنانے والے کالعدم تنظیم کے مبینہ ٹارگٹ کلر کو ہلاک کردیا۔
ترجمان کیپٹل سٹی پولیس کے مطابق ہلاک دہشت گرد ٹارگٹ کلنگ، دہشت گردی اور دیگر سنگین جرائم میں قانون نافذ کرنے والے اداروں کو مطلوب تھا۔
کارروائی کے دوران خیبر پولیس کا ایک کانسٹیبل بھی زخمی ہوا۔ پولیس کا کہنا ہے کہ مزید تفصیلات بعد میں جاری کی جائیں گی۔
