چپس، نمکو اور دیگر نمکین اسنیکس کی طلب کئی لوگوں کیلئے روزمرہ کی عادت بن جاتی ہے، لیکن بار بار پیک شدہ اسنیکس کھانا صحت پر منفی اثر ڈال سکتا ہے۔
ان طریقوں سے آپ اس بری عادت کو کم یا مکمل طور پر ختم کر سکتے ہیں؛
پہلے پانی آزمائیں
کئی بار جسم پیاس کو بھوک سمجھ لیتا ہے۔ اس لیے چپس کا پیکٹ کھولنے سے پہلے ایک گلاس پانی پینا بہتر ہے۔ اگر کچھ دیر بعد بھی بھوک برقرار رہے تو پھر مناسب غذا لیں۔
بہتر اسنیکس چنیں
چپس اور نمکو کے بجائے بھنے ہوئے چنے، سادہ پاپ کارن، کم نمک والے مکھانے یا محدود مقدار میں خشک میوہ جات استعمال کیے جا سکتے ہیں۔
پیٹ زیادہ دیر بھرا رکھیں
پروٹین، فائبر اور صحت مند چکنائی والی غذا کھانے سے پیٹ زیادہ دیر تک بھرا محسوس ہوتا ہے، جس سے بار بار کچھ کھانے کی خواہش کم ہو سکتی ہے۔
عادت توڑنے کا آسان طریقہ
ہر بار اسنیک کی طرف ہاتھ بڑھانے سے پہلے چند سیکنڈ رکیں اور خود سے پوچھیں کہ کیا واقعی بھوک لگی ہے یا صرف عادتاً کھانے کا دل کر رہا ہے؟ یہ چھوٹا سا وقفہ ہی آہستہ آہستہ اسنیکنگ کی عادت کم کرنے میں مدد دے سکتا ہے۔
