مقبوضہ مغربی کنارے کے گاؤں ابو فلاح میں تقریباً 80 نقاب پوش اسرائیلی آبادکاروں نے فلسطینی کسانوں اور کوریج کرنے والی 63 سالہ امریکی فوٹو جرنلسٹ ہیڈی لیوائن پر حملہ کردیا۔
عینی شاہدین اور رپورٹس کے مطابق حملہ آوروں نے پتھراؤ کیا، زیتون کے باغات کو آگ لگائی اور فلسطینیوں کو لاٹھیوں اور لاتوں سے تشدد کا نشانہ بنایا۔ واشنگٹن پوسٹ سے منسلک صحافی ہیڈی لیوائن کے مطابق ان کا کیمرہ اور دیگر سامان بھی چھین لیا گیا۔
حملے میں امریکی صحافی کو فریکچر سمیت متعدد چوٹیں آئیں، جس کے بعد انہیں اسپتال منتقل کیا گیا۔ واقعے میں متعدد فلسطینی بھی زخمی ہوئے جبکہ ایک فلسطینی کو اسرائیلی فوج نے گولی مار دی۔
