بھارتی کامیڈین اور بگ باس 17 کے فاتح منور فاروقی نے اپنی اہلیہ کے ہمراہ معروف سوشل میڈیا اسٹار فیصل شیخ المعروف مسٹر فیصل کی شادی کے استقبالیے میں شرکت کی۔
سوشل میڈیا پر سامنے آنے والی ویڈیو میں منور فاروقی کو اپنی اہلیہ کے ساتھ تقریب میں پہنچتے دیکھا جا سکتا ہے۔ اس موقع پر دونوں خوشگوار موڈ میں نظر آئے اور تقریب کی رونقوں کا حصہ بنے۔
https://www.instagram.com/reels/DessMQMom9U/
منور فاروقی بھارت کے معروف اسٹینڈ اپ کامیڈین ہیں، جو اپنے مزاحیہ انداز اور ریئلٹی شوز میں شرکت کے باعث شہرت رکھتے ہیں۔
دوسری جانب فیصل شیخ سوشل میڈیا کی مقبول شخصیات میں شمار ہوتے ہیں اور اپنے ڈیجیٹل مواد کے ذریعے بڑی تعداد میں مداح بنا چکے ہیں۔
تقریب کی ویڈیو سامنے آنے کے بعد مداحوں کو منور فاروقی اور ان کی اہلیہ کی ایک ساتھ جھلک دیکھنے کا موقع ملا۔
