اسپین کی اسٹار مڈفیلڈر الیکسیا پوٹیاس نے تیسری مرتبہ بیلن ڈی اور ویمنز کا ایوارڈ جیت کر تاریخ رقم کردی جس کے ساتھ مسلسل چھٹے سال بھی یہ اعزاز اسپین کی کھلاڑی کے نام رہا۔
32 سالہ پوٹیاس نے 2025-26 کے سیزن میں بارسلونا کی قیادت کرتے ہوئے چیمپئنز لیگ سمیت چار بڑے ٹائٹلز جیتنے میں اہم کردار ادا کیا۔
بعد ازاں جولائی میں انہوں نے انگلینڈ کی ویمنز سپر لیگ کی ٹیم لندن سٹی لائنز میں شمولیت اختیار کرلی۔
اس کامیابی کے بعد پوٹیاس نے اپنی ہم وطن ایتانا بونماتی کے ساتھ تین تین مرتبہ یہ ایوارڈ جیتنے کا اعزاز حاصل کرلیا ہے۔
پوٹیاس نے 2021 اور 2022 میں جبکہ بونماتی نے 2023، 2024 اور 2025 میں بیلن ڈی اور اپنے نام کیا تھا۔
پوٹیاس کی یہ کامیابی 2022 میں گھٹنے کی سنگین انجری کے بعد عالمی فٹبال میں ان کی شاندار واپسی کا ثبوت بھی ہے۔
ایوارڈ حاصل کرنے کے بعد انہوں نے نوجوان کھلاڑیوں کو پیغام دیا کہ فٹبال کھیلنے کے لیے لڑکا یا لڑکی ہونا اہم نہیں بلکہ اپنے خوابوں پر یقین رکھنا ضروری ہے۔
بارسلونا کی ایوا پاجور دوسرے جبکہ مانچسٹر سٹی کی کھلاڑی خدیجہ شا تیسرے نمبر پر رہیں۔
