بھارت نے نیوزی لینڈ کو پہلے ون ڈے انٹرنیشنل میں باآسانی شکست دے کر سیریز میں برتری حاصل کرلی۔
آکلینڈ کے ایڈن پارک میں کھیلے گئے مقابلے میں بھارتی بولرز نے شاندار کارکردگی دکھاتے ہوئے مہمان ٹیم کو 185 رنز پر ڈھیر کردیا جبکہ بارش کے باعث بھارت کو 32 اوورز میں 143 رنز کا ہدف حاصل کرنا تھا۔
بھارتی فاسٹ بولر انشول کمبوج نے 10 اوورز میں صرف 22 رنز دے کر دو وکٹیں حاصل کیں اور حریف بیٹرز کو کھل کر کھیلنے کا موقع نہیں دیا۔
ارشدیپ سنگھ نے چار جبکہ گرنور برار نے تین کھلاڑیوں کو آؤٹ کیا۔
نیوزی لینڈ کی جانب سے ٹم سائیفرٹ 38، بلیئر ٹکنر 34 اور گلین فلپس 30 رنز کے ساتھ نمایاں رہے۔
جواب میں بھارت کی جانب سے ویرات کوہلی نے جارحانہ بیٹنگ کا مظاہرہ کرتے ہوئے 51 گیندوں پر 74 رنز بنائے جس میں 13 دلکش چوکے اور ایک چھکا شامل تھا۔
شبمن گل نے بھی ذمہ دارانہ بیٹنگ کی تاہم روہت شرما صفر پر آؤٹ ہوگئے۔
بار بار بارش کی مداخلت کے باوجود بھارت نے 22.5 اوورز میں 5 وکٹوں کے نقصان پر ہدف حاصل کرکے میچ اپنے نام کرلیا۔
