ایشین گیمز میں سبزہلالی پرچم بلند کرنےوالی ویمن کرکٹ ٹیم وطن واپس پہنچ گئی

ویمن کرکٹ ٹیم نے بنگلہ دیش کو شکست دے کرنا صرف کامیاب دفاع کیا بلکہ ایونٹ کا پہلا گولڈ میڈل بھی پاکستان کے نام کیا۔

ویب ڈیسک September 29, 2014

پاکستان ویمن ٹیم نے 2010 میں بھی گولڈ میڈل حاصل کیا تھا۔ فوٹو؛ اے ایف پی

KARACHI: 17 ویں ایشین گیمز میں سبزہلالی پرچم بلند کرنے والی قومی ویمن کرکٹ ٹیم وطن واپس پہنچ گئی جہاں خواتین کھلاڑیوں کا پرتپاک استقبال کیا گیا۔

پاکستان ویمن کرکٹ ٹیم نے بنگلہ دیش کو ایشین گیمز کے فائنل میں 4 رنز سے شکست دے کر نا صرف کامیاب دفاع کیا بلکہ ملک کے لئے ایونٹ کا پہلا گولڈ میڈل بھی پاکستان کے نام کیا۔ جنوبی کوریا کے شہر انچیون کے یون ہوئی کرکٹ گراؤنڈ پر کھیلے گئے میچ میں قومی ٹیم نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 97 رنز بنائے۔ پاکستان کی جانب سے بسمہ معروف 24 رنز بناکرنمایاں رہیں جب کہ نین عابدی نے 18، مرینہ اقبال نے 14 اور کپتان ثنا میر اور ندا ڈار نے 10 ، 10 رنز بنائے۔ بنگلہ دیش کی جانب سے رومانہ احمد نے 2 جب کہ جہاں آرا عالم، سلمہ خاتون اور فہمیہ خاتون نے ایک ایک کھلاڑی کا شکار کیا۔

بنگلہ دیش کی اننگرز کا آغاز ہوتے ہی بارش کا آغاز ہوگیا جس کے سبب میچ کو 7 اوورز تک محدود کردیا گیا اور بنگلہ دیش کو مقررہ اوورز میں جیتنے کے لیے 43 کا ٹارگٹ ملا۔

بنگلہ دیش نے بیٹنگ کا آغاز اطمینان بخش طریقے سے کیا مگر پھر پاکستان بولنگ اٹیک نے بنگلہ دیشی بلے بازوں کی ایک نہ چلنے دی اور ایک کے ایک کھلاڑی کو پویلین کی جانب چلتا کیا۔ پاکستان کی جانب سے کپتان ثنا میر، سادیہ یوسف اور ندا ڈار نے 2، 2 کھلاڑیوں کو آؤٹ کیا جب کہ 3 بنگلہ دیشی بیٹس ویمن رن آوٹ ہوئیں۔

یاد رہے یہ کہ ایشین گیمز کے رواں سیزن میں پاکستان کی جانب سے یہ پہلا گولڈ میڈل ہے جب کہ 2010 میں بھی پاکستان ویمن کرکٹ ٹیم نے گولڈ میڈل حاصل کیا تھا۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

ایشین گیمز میں سبزہلالی پرچم بلند کرنےوالی ویمن کرکٹ ٹیم وطن واپس پہنچ گئی

انٹرٹینمنٹ

بھارتی شوبز خاندان کے خلاف پولیس نے مقدمہ درج کرلیا

نیلم منیر کے شوہر پاکستانی نکلے: پہلی ملاقات کہاں ہوئی؟ دیور نے راز فاش کر دیا

"فلم میمی کے جذباتی سین کے دوران خود پر قابو نہ رکھ سکی"، کریتی سینن کا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین

ایشین گیمز میں سبزہلالی پرچم بلند کرنےوالی ویمن کرکٹ ٹیم وطن واپس پہنچ گئی

ہمارے ساتھ شامل ہوں

مقبول خبریں

انٹرٹینمنٹ

بھارتی شوبز خاندان کے خلاف پولیس نے مقدمہ درج کرلیا

نیلم منیر کے شوہر پاکستانی نکلے: پہلی ملاقات کہاں ہوئی؟ دیور نے راز فاش کر دیا

"فلم میمی کے جذباتی سین کے دوران خود پر قابو نہ رکھ سکی"، کریتی سینن کا انکشاف

رائے

افغانستان کے حالات

اخلاقی پستی

اسرائیل کی تشکیل و پرورش میں عالمی اداروں کا کردار (قسط چہارم)

متعلقہ

تازہ ترین