حیسکو نے نادہندگی پر سیکڑوں بجلی کنکشنز منقطع کر دیے

بجلی چوروں اور نادہندگان کے خلاف حیسکو اور ایف آئی اے ٹیموں کی کارروائیاں جاری، متعدد ٹرانسفارمر بھی اتار لیے گئے

Numainda Express October 15, 2014

اب تک 85 کروڑ روپے سے زائد کی ریکوری بھی کی گئی ہے۔ فوٹو : فائل

KARACHI: حیسکو کے چیف ایگزیکٹو آفیسر محمد سلیم جاٹ کی ہدایت پر بجلی چوروں اور نادہندگان کے خلاف حیسکو اور ایف آئی اے کی خصوصی ٹیموں کی کارروائیاں جاری ہیں۔

منگل کو نوابشاہ، سانگھڑ، دوڈ، ٹنڈو آدم،کوٹری، بدین و دیگرعلاقوں میں چھاپوںکے دوران نادہندگی پر 350 بجلی کنکشن منقطع کیے گئے۔ حیسکو ترجمان کے مطابق نوابشاہ میں واجبات کی عدم ادائیگی پر 70کنکشن، سانگھڑ میں 55 ، دوڑ میں 45 ، ٹنڈو آدم میں 80 ، کوٹری میں 4، بدین میں 60بجلی کنکشن اور 185غیر قانونی کنڈا کنکشن منقطع کیے گئے۔ جبکہ متعدد ٹرانسفارمر بھی اتار لیے گئے ۔ جبکہ اب تک 85 کروڑ روپے سے زائد کی ریکوری بھی کی گئی ہے۔