گھارو پمپنگ ہاؤس پر بجلی کی بندش سے نصف شہر کو فراہمی آب متاثر

ایک کروڑ 50 لاکھ گیلن پانی سپلائی نہ ہوسکا، 8 گھنٹے بجلی معطل رہی، لانڈھی، کورنگی، شاہ فیصل، کارساز، ملیر اور۔۔۔

Staff Reporter October 23, 2014

ایک کروڑ 50 لاکھ گیلن پانی سپلائی نہ ہوسکا، 8 گھنٹے بجلی معطل رہی، لانڈھی، کورنگی، شاہ فیصل، کارساز، ملیر اور جمشید ٹاؤن کی سپلائی بند رہی۔ فوٹو: ایکسپریس/فائل

ادارہ فراہمی و نکاسی آب کے گھارو پمپنگ ہاؤس پر منگل سہ پہر ساڑھے4 بجے کے الیکٹرک کی جانب سے8 گھنٹے بجلی کی فراہمی معطل رہی جو رات پونے 12 بجے بحال کی گئی۔

بجلی کی عدم فراہمی سے گھارو کے نیو پمپ ہاؤس کے 5 پمپ بند رہے اور شہر کو پانی کی سپلائی نہ ہوسکی، واٹر بورڈ ترجمان کے مطابق واٹربورڈ گھارو پمپنگ ہاؤس پر بجلی بندش سے ایک کروڑ50 لاکھ گیلن پانی شہر کو پمپ نہیں ہوسکا جس سے لانڈھی، کورنگی، کورنگی صنعتی علاقہ، شاہ فیصل، پی اے ایف کارساز، ملیر، جمشید ٹاؤن اور ملحقہ علاقوں میں پانی کی سپلائی متاثر رہی۔