کراچیباپ بیٹے اورسابق ایف آئی اے ملازم سمیت5افرادہلاک

قائدآباد ایذی لود ک دکان پر فائرنگ سے باپ بیٹا جبکہ قصبہ موڑ پر فائرنگ سے ایف آئی اے کا سابق ملازم ہلاک

Staff Reporter October 24, 2014

لانڈھی میں نامعلوم ملزمان کی فائرنگ سے 52 سالہ کلام الدین جبکہ آئی آئی چندریگرروڈ کے فائرنگ سے 26 سالہ ریاض خان زخمی ہوگیا۔ فوٹو: فائل

لاہور: کراچی میں فائرنگ کے واقعات کے دوران باپ،بیٹے اورایف آئی اے کے سابق اہلکار سمیت 5افرادجاں بحق ہوگئے۔

تفصیلات کے مطابق قائد آبادحسینی چورنگی کے قریب داؤدکمیونیکشن ایزی لوڈکی دکان پرفائرنگ سے65سالہ حاجی عبداﷲ جان اور ان کا بیٹا 25 سالہ سید عالم جاں بحق ہوگئے۔ پولیس کے مطابق دکان پر موٹر سائیکل سوار 2 ملزمان آئے اور لوٹ مار کے دوران مزاحمت پر انھوں نے فائرنگ کردی۔ مقتول حاجی عبداﷲ کا تعلق مہمند ایجنسی سے تھا جبکہ وہ دکان کے قریب ہی شیرپاؤ کالونی کا رہائشی تھا۔واقعے پر دکاندار مشتعل ہوگئے۔قصبہ موڑ کے قریب فائرنگ سے 60 سالہ اسلم نیازی جاں بحق ہوگیا، مقتول مغرب کی نمازکے بعد گھر کے باہر کھڑاتھاکہ نامعلوم ملزمان نے فائرنگ کردی، مقتول ایف آئی اے کاریٹائرڈملازم تھا۔پٹیل پاڑہ میں فائرنگ سے 60 سالہ محمد معین جاں بحق ہوگیا،مقتول پٹیل پاڑہ کا رہائشی اور آبائی تعلق بٹگرام سے تھا۔لانڈھی میں نامعلوم ملزمان کی فائرنگ سے 52 سالہ کلام الدین،میٹھادر کے علاقے آئی آئی چندریگرروڈ سٹی اسٹیشن کے قریب فائرنگ سے 26 سالہ ریاض خان زخمی ہوگیا۔

شاہ لطیف کے علاقے میں اتفاقی گولی لگنے سے پولیس اہلکار 43 سالہ تنویر احمدزخمی ہوگیا۔رات گئے ملنے والی اطلاعات کے مطابق چاکیواڑہ کے علاقے لیاری سنگولین سربازی محلہ گلی نمبر9 میں عدنان بلوچ کے جوئے کے اڈے کے قریب نامعلوم ملزمان کی فائرنگ سے28سالہ عبدالخلیل بلوچ ہلاک ہوگیا ، مقتول سربازی محلے کا رہائشی اور بحرین پولیس میں بطور کانسٹیبل ملازمت کرتا تھا، عبد الخلیل ایک ماہ قبل اپنی شادی کے لیے چھٹیوں پر گھر آیا تھا ، مقتول کی 20 روز قبل شادی ہوئی تھی۔ذرائع نے بتایا کہ لیاری گینگ وار ملا سہیل اور اس کے ساتھیوں نے فائرنگ کر کے ہلاک کیا ہے۔مومن آباد کے علاقے اورنگی ٹاؤن سیکٹر 10 فقیر کالونی میں نامعلوم ملزما ن کی فائرنگ سے 25سالہ کاشف زخمی ہوگیا۔