کالعدم تنظیم اور گینگ کارندے سمیت4 ملزم گرفتارکر لیے گئے

شارع نور جہاں پولیس نے مقابلے کے بعدایک ملزم کوگرفتارکر کے اس کے قبضے سے اسلحہ اور چھینی گئی موٹر سائیکل برآمد کرلی ۔

Staff Reporter November 14, 2014

ریڈی پولیس نے ملزم داؤد عرف کمانڈو کو گرفتار کر کے اس کے قبضے سے500 گرام چرس اور موٹر سائیکل برآمد کر لی۔ فوٹو : فائل

رینجرز نے سرجانی ٹاؤن کے علاقے تیسر ٹائون سے کالعدم تنظیم سے تعلق رکھنے والے ملزم کو حراست میں لے لیا۔

شارع نور جہاں پولیس نے مقابلے کے بعد ایک ملزم ناصر علی عرف ناصر بنگالی عرف ناصر برمی کو گرفتار کر کے اس کے قبضے سے ایک کلاشنکوف ایک پستول اور سائٹ اے تھانے کی حدود سے چھینی گئی موٹر سائیکل برآمد کرلی ۔

پریڈی پولیس نے ملزم داؤد عرف کمانڈو کو گرفتار کر کے اس کے قبضے سے500 گرام چرس اور موٹر سائیکل برآمد کر لی ، سرجانی ٹاؤن پولیس نے مقابلے کے بعد ایک ملزم تنویر کو گرفتار کر کے اس کے قبضے سے ایک پستول اور اورنگی ٹاؤن کے علاقے سے چھینا گیا رکشا برآمد کر لیا۔