رینجرز کا ٹارگٹڈ آپریشن14افراد زیر حراست

رینجرز نے مختلف علاقوں میں ٹارگٹڈ آپریشن اور اسنیپ چیکنگ کے دوران 14 مشتبہ افراد کو حراست میں لے کر اسلحہ برآمد کرلیا۔ فوٹو: فائل

---

پاکستان رینجرز سندھ نے شہر کے مختلف علاقوں میں ٹارگٹڈ آپریشن کے دوران 14 مشتبہ افراد کو حراست میں لے کر تفتیش کے لیے نامعلوم مقام پر منتقل کر دیا۔

ترجمان رینجرز سندھ کے مطابق رینجرز کی بھاری نفری نے بھینس کالونی موڑ ایم ڈی اے فلیٹس ، نیو کراچی خمیسو گوٹھ ، میانوالی کالونی ، بوٹ بیسن ، شیریں جناح کالونی ، لیاری اور فرنٹیئر کالونی میں ٹارگٹڈ آپریشن اور اسنیپ چیکنگ کے دوران 14 مشتبہ افراد کو حراست میں لے کر مختلف اقسام کا اسلحہ برآمد کرلیا جبکہ تمام افراد کو تفتیش کے لیے نامعلوم مقام پر منتقل کر دیا گیاہے۔