ملک میں آگ اور خون کی ہولی کھیلنے والے انسانیت کے دشمن ہیں شہباز شریف

دہشت گردوں کے خلاف نیشنل ایکشن پلان پرعمل درآمد مفید ثابت ہو رہا ہے، شہباز شریف فوٹو: فائل

---

وزیر اعلیٰ پنجاب شہباز شریف نے کہا ہے کہ آگ اور خون کی ہولی کھیلنے والے انسانیت کے دشمن ہیں۔

لاہور میں پنجاب کے مختلف اضلاع سے تعلق رکھنے والے ارکان قومی اسمبلی نے وزیر اعلیٰ پنجاب میاں شہباز شریف سے ملاقات کی، اس موقع پر ملک کو درپیش چیلنجز اور ان کے حل کے سلسلے میں تبادلہ خیال کیا گیا۔ وزیر اعلی پنجاب کا کہنا تھا کہ آگ اور خون کی ہولی کھیلنے والے انسانیت کے دشمن ہیں، پوری قوم دہشت گردوں سے آہنی ہاتھوں سے نمٹنے کی حامی اور ان کے خاتمہ کے لئے پرعزم ہے، اس سلسلے میں نیشنل ایکشن پلان پرعمل درآمد مفید ثابت ہو رہا ہے۔