ایڈن ہیزارڈ نے ایف ڈبلیو اے ایوارڈ جیت لیا

ایوارڈ کے فاتح کا تعین کرنے کیلیے 300 قلمکاروں نے ووٹ دیے،فوٹو : فائل

---

ISLAMABAD: چیلسی کے اسٹرائیکر ایڈن ہیزارڈ نے انگلش فٹبال رائٹرز ایسوسی ایشن ( ایف ڈبلیو اے) کا پلیئر آف دی ایئرایوارڈ جیت لیا، ایوارڈ کے فاتح کا تعین کرنے کیلیے 300 قلمکاروں نے ووٹ دیے۔

ہیزارڈ نے اس کے علاوہ رواں سیزن میں پروفیشنل فٹبالرز ایسوسی ایشن ( پی ایف اے ) کا اعزاز بھی اپنے نام کیا تھا، ہیزارڈ نے 53 فیصد ووٹ لیکر پہلی پوزیشن پائی جبکہ ان کے کلب کپتان جون ٹیری تیسرے نمبر پر رہے اور دوسری پوزیشن ٹوٹنہم کے اسٹرائیکر ہیری کین کے نام رہی۔

ہیزارڈ کو یہ ایوارڈ 21 مئی کو شیڈول تقریب میں دیا جائے گا، اس موقع پرایف ڈبلیو اے کے چیئرمین اینڈی نے کہا کہ ہمارے ایوارڈ پانے والوں کی فہرست میں تمام ورلڈ کلاس پلیئرز شامل رہے اور ایڈن اس میں قابل قدر اضافہ ہیں۔