موبائل فون کے ذریعے کمپیوٹر آپریٹ کرنے والی ایپ تیار

ایپ ڈسپلے میں اسکرین کی بورڈ اور اسکرول بار کے ساتھ ٹریک پیڈ بھی ظاہر کرتا ہے، فوٹو:فائل

---

کمپیوٹر چپ بنانے والی دنیا کی سب سے بڑی کمپنی انٹیل نے اینڈروئڈ اسمارٹ فون کے لیے ایسی ایپ تیار کی ہے جس کے ذریعے آپ دور بیٹھ کر اپنا کمپیوٹر بھی کنٹرول کرسکتے ہیں۔

انٹیل ریموٹ کی بورڈ کے ذریعے کسی بھی اینڈروئڈ اسمارٹ فون سے دور رہتے ہوئے بھی ایسا کمپیوٹر جس میں ونڈوز 7 یا 8 انسٹال ہو اسے استعمال کیا جاسکتا ہے اس کے لیے اسمارٹ فون اور پی سی دونوں پر ونڈوز انسٹال کیجئے اور یکساں وائی فائی نیٹ ورک پر اس کا استعمال کریں کیونکہ دونوں جگہوں انسٹال ہونے کے بعد دونوں مشینیں خود بخود جڑ جائیں گی۔

ایپ ڈسپلے میں اسکرین کی بورڈ اور اسکرول بار کے ساتھ ٹریک پیڈ بھی ظاہر کرتا ہے جسے پورٹریٹ اور لینڈ اسکیپ دونوں موڈ میں دیکھا جاسکتا ہے جب کہ خالی جگہ پر انگلی پھیرنے سے کرسر کنٹرول ہوتا ہے اورایک انگلی سے تھپتھپانے سے لیفٹ اور دو انگلی سے تھپتھپانے پر رائٹ کلک کام کرتا ہے اس کے علاوہ انگلی گھمانے سے اسکرول بار کام کرتی ہے۔

اگرچہ اس سے قبل بھی اسمارٹ فون سے پی سی کنٹرول کرنے کی بہت سی ایپس بنائی گئی ہیں جسے ماہرین نے مؤثر اور استعمال میں آسان قرار دیا جس میں ایرو کی شامل ہیں جو کارآمد ہونے کے ساتھ ساتھ ونڈوز پر بھی بہت آسانی سے کام کرتی ہے۔