ٹارگٹ کلر اور بھتہ خور گرفتار اسلحہ برآمد

ایس ایس پی ایس آئی یو فاروق اعوان کا کہنا ہے کہ گرفتار ٹارگٹ کلر جمیل سر جانی ٹائون کے علاقے میں2 افراد محمد سہیل اور حفیظ نامی شخص کو قتل کرنے میں ملوث ہے۔ فوٹو: فائل

---

اسپیشل انویسٹی گیشن یونٹ پولیس نے ٹارگٹ کلر اور بھتہ خور کو گرفتار کر کے اسلحہ برآمد کر لیا ۔

تفصیلات کے مطابق اسپیشل انویسٹی گیشن یونٹ نے منگھو پیر سے پولیس مقابلے کے بعد ٹارگٹ کلر جمیل کو گرفتار کر کے ٹی ٹی پستول اورگولیاں برآمد کر لی ہیں ، ایس ایس پی ایس آئی یو فاروق اعوان کا کہنا ہے کہ گرفتار ٹارگٹ کلر جمیل سر جانی ٹائون کے علاقے میں2 افراد محمد سہیل اور حفیظ نامی شخص کو قتل کرنے میں ملوث ہے۔

انھوں نے بتایاکہ دوسری کارروائی پاک کالونی کے علاقے میں کی گئی جہاں چھا پہ مار کر ملزم محمد ذیشان کوگرفتار کر کے ٹی ٹی پستول برآمد کر لی گئی ہے ، فاروق اعوان کا کہنا ہے کہ گرفتار بھتہ خور ٹمبر مارکیٹ کے تاجروں سے بھتہ وصول کرنیکی متعدد وارداتوں میںملوث ہے۔