کراچی میں بجلی مزید مہنگی 53 پیسے فی یونٹ اضافے کی منظوری

اکتوبرمیں بجلی کی پیداوار پرفیول کی لاگت میں 85 کروڑ روپے اضافہ ہوا،درخواست: فوٹو: فائل

---

نیشنل الیکٹرک پاورریگولیٹری اتھارٹی(نیپرا) نے فیول ایڈجسٹمنٹ کی مدمیں بجلی کی قیمتوں میں53 پیسے فی یونٹ اضافہ سے متعلق 'کے الیکٹرک' کی درخواست منظور کر لی، درخواست پر باضابطہ سماعت17دسمبر کو ہو گی۔

پیر کو 'کے الیکٹرک' نے نیپرا کو بجلی53 پیسے فی یونٹ مہنگی کرنے کی درخواست کی ہے۔ نیپرا کے مطابق درخواست میں' کے الیکٹرک' نے فیول ایڈجسٹمنٹ کی مد میں بجلی مہنگی کرنے کی درخواست کی ہے۔

درخواست میں کہا گیاکہ اکتوبرمیں بجلی کی پیداوار پرفیول کی لاگت میں 85 کروڑ روپے اضافہ ہوا، اکتوبر میں 'کے الیکٹرک' نے ایک ارب 57 کروڑ 92لاکھ یونٹس فروخت کیے۔