انور مقصود کا اسٹیج ڈرامہ ’’پونے 14اگست‘‘ ایک بار پھر کامیاب

انور مقصود کا تحریر کردہ ڈرامہ کراچی کے علاوہ لاہور اور اسلام آباد میں بھی پیش کیا گیا۔ فوٹو : فائل

---

ملک کے معروف ڈرامہ نگار،کمپئیر اداکار انورمقصود جنھوں نے اس سا ل پہلی مرتبہ اسٹیج کے لیے ڈرامہ''پونے 14 اگست'' تحریر کیا۔

ان کا ڈرامہ چند ماہ قبل کراچی کے آرٹس کونسل آڈیٹوریم میں کامیابی سے پیش کیا گیا تھا اس ڈرامے کی شاندار کامیابی کے بعد اسے لاہور اور اسلام آباد میں بھی اسٹیج گیا تمام شہروں ڈرامے کے شوز نہ صرف کامیاب رہے بلکہ اسے پاکستان کا ایک معیاری اسٹیج ڈرامہ قرار دیا گیا۔

قومی یکجہتی کے حوالے سے یہ ایک بہترین ڈرامہ ہے جس کے مکالمے،کہانی اور فنکاروں کی عمدہ ادکاری نے اسے چار چاند لگادئے، ایک بار پھر ڈرامہ پونے14 اگست ان دنوں آرٹس کونسل کراچی کے تھیٹر آڈیٹوریم میں پیش کیا جارہا ہے جسے پسند گیا جارہا ہے۔