بھاری رقوم کا لین دین کرنیوالے اکاؤنٹس ہولڈرز کی چھان بین کا حکم

فہرستیں تیار،ٹیکس نادہندگان کے خلاف کارروائی،اکاونٹس منجمدکردیاجائے گا ،سینئرافسرایف بی آرکی ایکسپریس سے گفتگو ۔ فوٹو: فائل

---

ISLAMABAD: ایف بی آرنے ملکی معیشت کودستاویزی بنانے کیلیے ملک بھرمیںبینکوں کے ذریعے بھاری رقوم کالین دین کرنیوالے اکائونٹ ہولڈرزکے ریکارڈکی چھان بین کرنے اورنان کمپلائنس پران کے خلاف کارروائی کرنے کے احکامات جاری کردیے۔

ایف بی آر کے سینئرافسرنے ایکسپریس کوبتایاکہ ایف بی آر کے ماتحت ادارے ڈائریکٹریٹ جنرل اینٹلی جنس اینڈانویسٹی گیشن ان لینڈریونیونے بینکوںکے ذریعے ہونیوالی بڑی بڑی ٹرانزیکشنز کاریکارڈ اکٹھا کر کے ڈاکیو منٹڈ اور ان ڈاکیو منٹڈ اکائونٹ ہولڈرزکی فہرستیںتیارکرلی ہیںاوریہ فہرستیںملک بھرمیںقائم ایف بی آرکے چیف کمشنرزلارج ٹیکس پیئریونٹس اورریجنل ٹیکس آفسزسمیت تمام فیلڈ فارمشنزکوبھجوادی ہیںتاہم پہلے مرحلے میںریجنل ٹیکس آفس فیصل آبادکواحکامات جاری کیے گئے کہ آرٹی اوفیصل آبادکواکائونٹ ہولڈرزکی جوفہرست بھجوائی گئی ہے ان کے خلاف کارروائی شروع کی جائے جس کے تحت آر ٹی اوفیصل آبادان اکائونٹ ہولڈرزکے بارے میں تحقیقات کریگااوران اکائونٹس کے ذریعے ہونیوالی ٹرانزیکشنزکی تفصیلات حاصل کریگا،ریکارڈکی بنیادپرفروخت کنندگان اورخریداروںسے بھی پوچھ گچھ کی جائیگی۔

ذرائع نے بتایاکہ جس اکاونٹ سے چیک جاری ہوگااس سے چیک جاری کرنے کی تفصیلات پوچھی جائیںگی وہ اکائونٹ ہولڈررجسٹرڈٹیکس دہندہ ہے یانہیں،اگررجسٹرڈٹیکس دہندہ ہے تو اسکاریکارڈچیک کیا جائیگا جس میںاسکی آمدنی اوراخراجات کاموازنہ کیاجائیگا،ذرائع نے بتایا کہ جواکاونٹ ہولڈرزکمپلائنس نہیںکرینگے انکے خلاف کارروائی کی جائیگی اورقانونی تقاضے پورے کرنے کے بعداکاونٹس بھی منجمدکیے جائیںگے،فیصل آبادکے بعداکائونٹ ہولڈرزکیخلاف کارروائی کادائرہ کارملک بھرمیںپھیلایاجائیگا۔